Vendet pronare të sistemit Patriot të raketave dhe donatorët kryesorë të Ukrainës do të takohen javën e ardhshme për të diskutuar ndihmën e mëtejshme për Kievin, tha një burim për Reuters.
Sipas mediave të huaja, Donald Trump ka thënë tashmë se një numër i pazbuluar i sistemeve të mbrojtjes ajrore do të dërgohet për përdorim në Ukrainë dhe se Bashkimi Evropian do të paguajë për to.
Gjermania, Finlanda, Danimarka, Suedia, Norvegjia, Mbretëria e Bashkuar, Holanda dhe Kanadaja duan të jenë pjesë e iniciativës për të financuar sistemet Patriot, tha të hënën shefi i NATO-s Mark Rutte.
Pse janë të rëndësishme?
Sistemet Patriot janë shumë efektive kundër armëve të sofistikuara ruse, si raketat balistike dhe ato të lundrimit.
Me një rreze veprimi radari që tejkalon 150 km dhe aftësinë e tyre për të goditur shumë objektiva në të njëjtën kohë, sistemet janë jetësore në mbrojtjen e zonave të mëdha civile dhe infrastrukturës kritike.
Përtej aftësive të tyre teknike, raketat Patriot sinjalizojnë gjithashtu mbështetje të fortë të SHBA-së dhe NATO-s për Ukrainën, duke rritur moralin dhe duke demonstruar angazhim politik ndaj Kievit. (A2 Televizion)
A2 CNN Livestream
MUND TE LEXONI GJITHASHTU
