Një sulm ajror i Rusisë vrau më shumë se 20 civilë të cilët po merrnin pensionet në një fshat në Ukrainën lindore.
Teksa njoftoi sulmin, presidenti ukrainas Volodimir Zelenski u bëri thirrje aleatëve të shtojnë presionin ndaj Moskës, forcat e së cilët vijojnë ofensivën e egër në rajonin lindor të Donjetsk.
Sipas Zelenskit bombardimet barbare, siç i quajti, kishin shënjestruar fshatin e Jarovës, disa kilometra pas frontit të luftës.
“Sulmi goditi qytetarët, civilët e thjeshtë. Pikërisht në momentin kur po shpërndaheshin pensionet”, shkroi ai në platformën X.
Presidenti publikoi gjithashtu një video që shfaq trupat e shtrirë përdhe.
Siç raportohet 21 persona të tjerë kishin mbetur të plagosur. Ai I kërkoi botës të mos heshtë, dhe e vuri theksin tek nevoja e një përgjigje të vendosur nga SHBA dhe BE. (A2 Televizion)
A2 CNN Livestream
MUND TE LEXONI GJITHASHTU
