“Kam frikë nga konfliktet etniko-fetare”, Macron shprehet i bindur: Nuk do ketë luftë në Kosovë

Pas alarmit të lëshuar nga Ukraina, për një konflikt të mundshëm në Ballkan është përgjigjur Franca duke tentuar të zbusë frikën.

Presidenti Emmanuel Macron, gjatë një eventi u pyet për situatën aktuale në rajonin tonë, konkretisht zhvillimeve të fundit shqetësuese në Kosovë, duke dhënë këtë përgjigje: “Tensionet janë qetësuar paksa tani.”

Presidenti francez shpreson se drejtuesit e dy vendeve, Kosovës dhe Serbisë, ta pranojnë planin e hartuar që ndihmon në zbutjen e plotë të situatës dhe arritjen e një marrëveshjeje mes dy shteteve.

Megjithatë Macron tha se ka frikë nga konfliktet me sfond etnik dhe fetar që po zhvillohen në rajone të ndryshme të botës.

“Jam i shqetësuar, por nuk kam frikë nga rifillimi i konfliktit në Kosovë”, përfundoi ai. (A2 Televizion)