Gjykata Themelore e Prishtinës dënoi me 22 vjet e gjashtë muaj burgim katër të akuzuarit për vrasjen e politikanit serb Oliver Ivanoviç në janar të vitit 2018 në Mitrovicën e Veriut.
Ish-efektivi policor Nedelko Spasojeviç u dënua katër vite e gjashtë muaj burg për pjesëmarrje në grup të organizuar kriminal dhe me gjobë prej 4500 euro për armëmbajtje pa leje.
Marko Roshiç u dënua me 10 vjet burgim për pjesëmarrje në grup të organizuar kriminal dhe me 10 mijë euro gjobë. Ish-polici Dragisha Markoviç u dënua me katër vjet burg për keqpërdorim të pozitës zyrtare, ndërsa Zharko Jovanoviç, gjithashtu ish-pjesëtar i policisë, u dënua me katër vjet burg për keqpërdorim të pozitës zyrtare dhe armëmbajtje pa leje dhe me gjobë prej 1500 euro.
Ish-sekretarja e Ivanoviçit, Sillvana Arsoviç u shpall e pafajshme për akuzën se ishte pjesë e grupit që vrau ish-politikanin. Procesi për këtë rast zgjati 4.5 vite, ndërsa u mbajtën mbi 50 seanca gjyqësore. Gjithashtu janë dëgjuar 40 dëshmitarë, ndërsa edhe pse disa prej tyre ishin të mbrojtur, kishin deklaruar se ishin kërcënuar me jetë. (A2 Televizion)
A2 CNN Livestream
MUND TE LEXONI GJITHASHTU
