Kryeministri në detyrë i Kosovës, Albin Kurti, ka zhvilluar një drekë pune me Komandantin e KFOR-it, Gjeneral Major Özkan Ulutaş, në selinë qendrore të misionit të NATO-s në Kosovë.
Sipas njoftimit zyrtar, të dy diskutuan mbi zhvillimet e fundit në vend dhe rajon, duke u fokusuar veçanërisht te gjendja e sigurisë. Kurti ka theksuar rëndësinë e koordinimit mes institucioneve vendore të sigurisë dhe KFOR-it, duke nënvizuar se ky bashkëpunim është kyç për stabilitetin e Kosovës.
“Kryeministri shprehu vullnetin dhe gatishmërinë për marrëdhënie sa më të ngushta dhe të frytshme me KFOR-in, në funksion të ruajtjes së paqes dhe sigurisë në gjithë territorin e vendit”, thuhet në njoftim.
Takimi u cilësua si konstruktiv, me të dyja palët që ritheksuan përkushtimin ndaj sigurisë dhe stabilitetit në Kosovë. (A2 Televizion)
A2 CNN Livestream
MUND TE LEXONI GJITHASHTU
