Në Prishtinë është mbajtur manifestimi për nder të Ditës së Mësuesit ku mësimdhëënsit u nderuan me mirënjohje si dhe u nda çmimi vjetor “Shaban Jashari”.
Kryeministri Kurti foli për rolin e rëndësishëm të mësuesit ndërsa tha se çdokush që ka besim te misioni i tij, përfshirë edhe vetë mësuesit, e do atdheun e vet.
“Mësuesi është shtylla mes autoktonisë vendore dhe dijes botërore. Nëse ne kemi respekt për mësuesit, ne e kemi të vështirë të lëmë pas dore projektin e shtet-ndërtimit dhe virtytin republikan”.
Ministrja e Arsimit, Arbërie Nagavci, tha se po kujdesen për ngritjen e vazhdueshme profesionale të mësimdhënësve.
“Vetëm në tri vitet e fundit janë trajnuar gjithsej 16 mijë e 959 mësimdhënës në 172programe të ndryshme të trajnimeve, që nga mbështetja për trajnimet për kurrikulën e deri tek ato që adresojnë programe të ndryshme, qofshin programe të cilat janë themelore apo plotësuese, në bashkëpunim edhe me partnerët tanë vendorë e ndërkombëtarë”.
Sivjet çmimi “Shaban Jashari” iu nda katër mësimdhënësve që vijnë nga komunat Istog, Obiliq, Prishtinë dhe Rahovec, kurse mirënjohje morën gjithsej 28 mësimdhënës. (A2 Televizion)
A2 CNN Livestream
MUND TE LEXONI GJITHASHTU
