Numri dy i socialistëve, Taulant Balla, e cilësoi një moment krenarie raportin e fundit të Komisionit Evropian, por ai falënderoi edhe opozitën parlamentare, pa të cilën tha se shumë ligje do të kishin qenë të pamundur të miratoheshin.
“Vlerësimi i sotëm është një moment sa i rëndësishëm, aq edhe krenarie. Jam objektiv në një vlerësim që dua t’i jap edhe opozitës parlamentare. Ky është një dallim i madh që ju ndan juve me opozitën e rrugës”, tha Balla.
Nga ana tjetër, ai sulmoi ata që, sipas tij, nuk e duan Reformën në Drejtësi, mes të cilëve renditi edhe presidentin e Republikës. “Ditën që u miratua Reforma në Drejtësi, u ngjiz në Shqipëri një aleancë politikanësh të paskrupullt, për të bërë gjithçka për ta ndaluar atë. Ja pse edhe “besëLikja”, edhe “Republika e Re” janë bashkë për të penguar rrugën evropiane dhe reformën, të dyja të ndërlidhura me njëra-tjetrën”. (A2 Televizion)
A2 CNN Livestream
MUND TE LEXONI GJITHASHTU
