Edy Reja e ka nisur me humbje aventurën e tij në krye të Kombëtares shqiptare, duke u mposhtur 1-0 në Islandë.
Edhe pse Shqipëria kishte tjetër “fytyrë” krahasuar me ndeshjet e shkuara, sërish në fund kuqezinjtë dolën të humbur nga kjo transfertë e vlefshme për eliminatoret e Europianit 2020.
Rastet për kombëtaren shqiptare nuk munguan në pjesën e parë dhe për t’u veçuar ishte një goditje e minutave të para nga Hysaj.
Megjithatë, në momentin më të mirë për kombëtaren tonë, ishte Islanda që arriti të shënojë. Gudmundsson depërtoi bukur në mbrojtjen tonë dhe i vetëm me Berishën nuk e pati të vështirë të kalonte Islandën në avantazh.
Deri në minutën e fundit, Shqipëria bëri të gjitha përpjekjet të paktën për të gjetur golin e barazimit, por nuk ia doli.
Me këtë humbje, situata në grup vështirësohet shumë për Shqipërinë, pasi pas 3 ndeshjeve të para, kemi arritur të grumbullojmë vetëm 3 pikë. (A2 Televizion)
