“Dirty Dancing” është një nga filmat klasikë të viteve ’80 që shndërroi Patrick Swayze dhe Jennifer Grey në dy nga yjet më të mëdha të kinematografisë botërore.
Bëhet fjalë për një film që edhe sot tërheq brezat e rinj, por shumë pak njerëz i dinë problemet e mëdha që protagonistët kanë kaluar në sheshxhirim.
Në fotogalerinë e mësipërme ju tregojmë historinë e tensioneve mes aktorëve, ndodhive të çuditshme gjatë xhirimit të filmit dhe fakte interesante që me shumë mundësi nuk i dinit. (A2 Televizion)
Edhe pse nuk dukej në film, dy aktorët kryesorë Patrick Swayze dhe Jennifer Grey nuk shkonin fare mirë me njëri-tjetrin. Madje, edhe në një film tjetër ku luanin së bashku (Red Dawn), kanë pasur tensione. Këtë gjë e ka konfirmuar vetë aktori në autobiografinë e tij, ku shkruan se Jennifer nuk e duronte dot.Në film ka shumë momente kërcimi të jashtëzakonshëm. Një skenë në veçanti është ajo ku Baby hidhet në krahët e Patrick Swayze, i cili e ngre me duar në mënyrë perfekte. Në film, të dy personazhet e praktikojnë këtë skenë shumë herë, por gjithmonë nuk arrijnë ta bëjnë mirë. Por, interesant është fakti se aktorja Jennifer Grey nuk e ka stërvitur aspak hedhjen e saj. Në vitin 2015 ajo ka kujtuar se atë skenë e ka xhiruar vetëm një herë. “Nuk jam stërvitur për atë dhe nuk e kam bërë kurrë më”.Ka pasur shumë probleme me vendin e sheshxhirimit. Fillimisht, ai u shkatërrua dhe grabit. Më pas, u përmbyt, duke bllokuar rrugët, ndërkohë që një furgon i produksionit u prish. Pa përmendur dëmtimet që pësuan aktorët gjatë xhirimeve, ndërkohë që 3 prej tyre u helmuan nga ushqimi. Interesant është fakti që të gjitha incidentet kanë ndodhur brenda 24 orëve.Një nga skenat më ikonike të filmit, ajo ku Johnny rrëshqet dorën e tij në sqetullën e Baby-t dhe ajo nuk e mban dot të qeshurën, ka qenë shumë “bio”. Në atë skenë, Jennifer Grey nuk po aktronte, thjesht gudulisej shumë dhe qeshte në mënyrë të natyrshme. Edhe reagimi i mërzitur i Patrick Swayze ishte origjinal dhe aspak aktrim. Ajo skenë u bë një nga më ikoniket e filmit.Baby Houseman duhet të ishte 17 vjeç në film, por aktorja ishte 26. Në audicion, Grey pati vetëm 5 minuta kohë që të bindte producentët që mund të interpretonte dikë 10 vite më të re se ajo.
