Nga lista me 8 kandidatë për kreun e Byrosë Kombëtare të Hetimit, janë përzgjedhur 4 kandidatët që kalojnë për në fazën tjetër.
Ata janë Aida Veizaj, Artur Beu, Ervin Hodaj, Idajet Faskaj, të cilët do t’i nënshtrohen fazës përfundimtare të verifikimit.
Në njoftimin e botuar nga drejtuesi i Prokurorisë së Posaçme, Arben Kraja, thuhet se 4 kandidatët u përzgjodhën pas intervistave të zhvilluara në datat 26-27 shkurt, nga Komisioni i Përzgjedhjes, në praninë edhe të përfaqësuesve të Bashkimit Europian dhe Shteteve të Bashkuara të Amerikës.
Byroja Kombëtare të Hetimit është struktura që mund të konsiderohet ndryshe “dora e hekurt’’ e Prokurorisë së Posaçme Antikorrupsion dhe Krimit të Organizuar. E krahasuar me Federal Bureau of Investigation në SHBA, prej disa muajsh tashmë, 60 oficerët pjesë e kësaj strukture janë duke u trajnuar në akademinë e FBI-së në Virxhinia. (A2 Televizion)
A2 CNN Livestream
MUND TE LEXONI GJITHASHTU
