Irani ka paralajmëruar një kundërpërgjigje të ashpër ndaj çdo sulmi të ri nga Shtetet e Bashkuara, duke rritur tensionet mes dy vendeve. Një zëdhënës i lartë i forcave të armatosura iraniane deklaroi se çdo goditje amerikane do të marrë një përgjigje “10 herë më të rëndë”.
Paralajmërimi vjen pasi presidenti amerikan Donald Trump kërcënoi se çdo sulm i ardhshëm ndaj Iranit do të ishte pesë herë më i fuqishëm se goditjet e mëparshme.
Ndërkohë, situata në Lindjen e Mesme mbetet e tensionuar. Në Rripin e Gazës, një sulm izraelit ndaj Kompleksit Mjekësor Nasser, në Khan Younis, ka shkaktuar të paktën gjashtë viktima palestineze, mes tyre një mjek dhe një fëmijë, si dhe mbi 20 të plagosur.
Katër palestinezë të tjerë raportohet se janë vrarë nga sulmet izraelite në zona të ndryshme të Rripit të Gazës që prej orëve të para të mëngjesit. (A2 Televizion)
A2 CNN Livestream
MUND TE LEXONI GJITHASHTU
