Pastori Ylli Doçi duke folur në emisionin “Dita Jonë” në A2CNN e konsideroi absurde fajësimin nga bashkëshorti të gruas për gjininë e fëmijës. Pastori thekson se nuk varet nga gruaja, por nga sperma e burrit nëse fëmija do të jetë vajzë apo djalë.
“Çdo njeri është i barabartë dhe është arrogancë e madhe që duhet të jetë djalë apo vajzë. S’ta ka lënë ty njeri në dorë përcaktimin e saj. Ato janë absurditete, ajo është dukshëm absurditet, sepse ajo s’e ka në dorë të bëj djalë apo vajzë. E vërteta është që nuk varet nga vajza, por nga sperma e burrit nëse do të jetë vajzë apo djalë. Nuk varet nga gruaja”, shprehet pastori.
Gjinekologia Xhensila Omeri po ashtu e vuri në dukje se përcaktuesi i gjinisë është babai.
“Akoma edhe kësaj dite s’kemi arritur të kuptojmë pse seleksionohet X apo Y, por dhurues është mashkulli. Përcaktuesi i gjinisë është babai. E theksoj këtë për kulturën shqiptare, sepse etiketohej vajza”, tha Omeri.
(A2 Televizion)
A2 CNN Livestream
MUND TE LEXONI GJITHASHTU
