Kryetari i Partisë Demokratike, Sali Berisha, ka uruar besimtarët e krishterë për Krishtlindjet, nga Kisha Katolike e Tiranës, ku kreu një vizitë mëngjesin e sotëm.
Gjatë vizitës Berisha ka takuar edhe Arqipeshkvin e Tiranës dhe Durrësit, kreun e Kishës Katolike në Shqipëri, Imzot Arjan Dodaj.
Berisha tha gjatë fjalës së tij se Krishtlindja simbolizon ditën në të cilën lindi hyji, burri që me jetën dhe mendimet e tij bëri më shumë se kushdo tjetër për moralin e qytetërimit perëndimor.
Berisha shtoi gjithashtu se uronte që ‘magjia e kësaj dite të shndërrohet në frymëzim, në forcë dhe mirësi për të gjithë besimtarët e Zotit’.
Pjesë nga fjala e Berishës:
Uroj të gjithë besimtarët katolikë, por edhe të gjithë besimtarët e Zotit se kjo është një ditë e shenjtë për çdo besimtar.
Dita në të cilën lindi hyji, burri që me jetën dhe mendimet e tij bëri më shumë se kushdo tjetër për moralin e qytetërimit perëndimor.
Aleanca e shqiptarëve me Vatikanin është aleanca më e hershme, më jetëgjatë në historinë e kombit shqiptar.
Pata një bisedë shumë të përzemërt, të hapur dhe njëherë uroj që magjia e kësaj dite të shndërrohet në frymëzim, në forcë dhe mirësi për të gjithë besimtarët e Zotit. Faleminderit! (A2 Televizion)
A2 CNN Livestream
MUND TE LEXONI GJITHASHTU
