Në fshatin Lin të Pogradecit, është zhvilluar një aksion i gjerë pastrimi në kuadër të Ditës së Pastrimit, të shpallur nga qeveria. Në këtë nismë u angazhuan institucione dhe struktura të ndryshme, përfshirë Prefekturën, Bashkinë Pogradec, Forcat e Armatosura, punonjës të ndërmarrjeve të shërbimeve publike, punonjës të administratës, si dhe nxënës të shkollës së Linit.
Aksioni u përqendrua kryesisht përgjatë vijës liqenore të Linit dhe në shtigjet turistike, duke synuar përmirësimin e pastërtisë në një nga destinacionet më të bukura turistike të zonës.
Prefektja Florina Zegullaj vlerësoi punën e deritanishme të bërë nga kryebashkiaku Ilir Xhakolli, duke theksuar se aksione të tilla, përveç rezultateve konkrete në terren, shërbejnë edhe si mesazh ndërgjegjësimi për qytetarët që të mos hedhin mbetje në mënyrë të pakontrolluar.
(A2 Televizion)
A2 CNN Livestream
MUND TE LEXONI GJITHASHTU
