Policia shqiptare dhe protestuesit u përleshën të enjten në Tiranë, gjatë ditës së tretë të protestave kundër qeverisë, raporton A2 CNN. Protestuesit hodhën gurë në drejtim të forcave të policisë, ndërsa autoritetet përdorën autobotë me ujë për të shpërndarë turmën. Protesta u organizuan edhe në qytete të tjera, si në Shkodër, Vlorë, Durrës, Elbasan dhe Korçë, ku gjithashtu pati përplasje mes të rinjve dhe policisë.
Për shkak të dhunës, Kuvendi i Shqipërisë anuloi seancën e planifikuar. Protestuesit kanë kërkuar dorëheqjen e kryeministrit Edi Rama, duke shprehur zemërimin për rritjen e kostove të arsimit dhe korrupsionin.
Dhjetëra mijëra studentë dolën në rrugët e kryeqytetit mbrëmjen e së mërkurës, duke i vënë flakën një godine qeveritare dhe dy bankave. Edhe të enjten u paraqit e njëjta situatë, ku u sulmuan dhe shkatërruan degë bankash, ndërsa Policia përdori gaz lotsjellës për të shpërndarë turmën, duke i shndërruar rrugët kryesore të Tiranës në shesh beteje.
Duke kërkuar dorëheqjen e Ramës, protestuesit argumentojnë se askush nuk i dëgjoi shqetësimet e tyre gjatë protestave kryesisht paqësore të zhvilluara gjatë verës kundër kësaj marrëveshjeje.
Gjatë ditës, në një deklaratë me shkrim për Reuters, Rama hodhi poshtë thirrjet për dorëheqje, duke thënë se do të ishte një tradhti ndaj atyre që e votuan vitin e kaluar dhe i dhanë mandatin e katërt qeverisës. (A2 Televizion)
A2 CNN Livestream
MUND TE LEXONI GJITHASHTU
