Përplasjet mes protestuesve dhe forcave të policisë para Ministrisë së Arsimit janë përshkallëzuar, me përdorimin e gazit, ujit me presion dhe hedhjen e gurëve e molotovëve.
Sipas raportimit të gazetares së A2 CNN Fjorela Beleshi, në radhët e protestuesve ka edhe të mitur dhe të rinj në moshë të vogël, disa prej të cilëve janë parë duke hedhur gurë në drejtim të policisë.
Dy autobotët e Policisë së Shtetit janë pozicionuar përballë turmës, ndërsa efektivët kanë avancuar disa herë për të zmbrapsur protestuesit. Sipas raportimeve nga vendngjarja ngrenë dyshime edhe për përdorimin e armëve me plumba gome, por kjo mbetet për t’u konfirmuar zyrtarisht.
Tensionet vijojnë, ndërsa protestuesit vazhdojnë të kundërpërgjigjen me gurë ndaj forcave të policisë. Protesta nisi me kërkesat e të rinjve për ndryshime në arsim dhe vijon prej pesë ditësh me kërkesën për dorëheqjen e kryeminsitri Eid Rama.
Aktualisht protestuesit të shtuar në numër po zhvendosen nga Ministria e Arsimit dhe po shkojnë drejt kryeministrisë.
(A2 Televizion)
A2 CNN Livestream
MUND TE LEXONI GJITHASHTU
