12 Universitetet publike zgjedhin drejtuesit e rinj të këtyre institucioneve. 6500 pedagogë dhe rreth 88 mijë studentë janë votues për rektorët, dekanët e rinj dhe organet e tjera drejtuese.
Procesi ka nisur në orën 8 të mëngjesit në çdo fakultet të vendit, ndërsa mediat nuk janë lejuar në ambientet e brendshme të votimit.
Si rrallë herë, në shumë universitete mungonte gara mes kandidatëve për rektor e dekan. Në 90% të Universiteteve të kryeqytetit u zhvilluan votime, por jo zgjedhje.
Universitetet më të mëdha të vendit, ai i Tiranës, Politekniku, ai i Mjekësisë ,Universiteti Bujqësor dhe i Sporteve kanë vetëm nga një kandidat për drejtimin e këtyrë institucioneve për 4 vitet e ardhshme.
Për shoqërinë civile, ky proces pa garë tregon mungesën e vizionit të institucioneve të arsimit të lartë ne vend.
Më indiferent në këtë proces dukeshin studentët. Më shumë se sa pesha prej 10% e votës së tyre, për ta me interes kanë provimet dhe rezultate e tyre.
Ndryshe nga Tirana, gara mes stafeve akademike ndihet në Universitetet e rretheve ku ka më shumë se dy kandidatura për postin e rektorit.
Edhe aty ku gara mungon kandidati i vetëm në këtë proces duhet të sigurojë mbi 50% të votave për të marrë mandatin, në të kundërt zgjedhjet shpallen të pavlefshme. (A2 Televizion)
A2 CNN Livestream
MUND TE LEXONI GJITHASHTU
