Projekti më i madh turistik në veriun e Shqipërisë, “Baks Bay Albania”, u prezantua në panairin Expo Real Kosova në Prishtinë. Interesi i vizitorëve ishte i lartë për blerjen e pronave dhe investimet në këtë destinacion të ri bregdetar. Qyteza turistike synon të sjellë një standard të ri jetese, turizmi dhe zhvillimi ekonomik në zonë.
“Shtetet e Bashkuara të Amerikës kërkuan që përmbajtja e marrëveshjes 302 milionë dollarëshe në fushën e mbrojtjes të mbetet sekrete”, ndërsa e cilësoi atë si “strategjike” për marrëdhëniet Shqipëri–SHBA. Ministri i Financave, Petrit Malaj, dha detaje mbi aspektin financiar të huasë.
“Marrëveshja financiare vjen në kuadër të mbështetjes së Forcave të Armatosura, por është edhe një marrëveshje strategjike sa i përket marrëdhënieve mes Shqipërisë dhe SHBA-së. Është një kredi në vlerën e 302 milionë dollarëve. Është kërkuar nga SHBA që detajet e marrëveshjes të mbahen konfidenciale. Janë kushte konkurruese krahasuar edhe me termat që ne marrim për kredi të ndryshme në sektorë të ndryshëm.”
Në konferencën e fundit për media para pushimeve të verës, Malaj njoftoi krijimin e një operatori publik për bashkitë, i cili do të menaxhohet nga Fondi Shqiptar i Zhvillimit.
“Për të përmirësuar cilësinë e shërbimeve, qeveria ka vendosur të krijojë pranë FSHZH-së një operator publik, i cili do të marrë përsipër kryerjen e disa prej funksioneve të bashkive. Krijimi i kësaj strukture mund të ngrejë pikëpyetje për ndërthurjen e kompetencave ndërmjet pushtetit qendror dhe atij vendor, pasi një pjesë e shërbimeve që pritet të ofrohen nga operatori janë përgjegjësi të drejtpërdrejta të bashkive.”
Gjashtë muaj nga hyrja në fuqi, nisma e shumëdebatuar e Paqes Fiskale me Biznesin nuk po prodhon efektet e pritura.
“Në total, subjektet që kanë aplikuar për Paqen Fiskale janë 62, nga të cilët të kualifikuar për të përfituar janë vetëm 19. Nga këta 19, 15 kanë kërkuar të përfitojnë nga Paqja Fiskale, pra të paguajnë një tatim mbi fitimin të reduktuar në masën 5%, në rast se fitimi i dakordësuar me Tatimet është mbi 18% i fitimit të vitit të mëparshëm.”
Pavarësisht pasigurive që burojnë nga tensionet në Lindjen e Mesme, Malaj tha se inflacioni në gjashtëmujorin e parë të vitit ishte 2.7 për qind, ndërsa nuk përjashtoi mundësinë e rikthimit të Bordit të Transparencës për karburantet.
“Në qoftë se do të kemi një rritje të çmimeve për një periudhë relativisht të gjatë, pa diskutim që do të hyjë përsëri në fuqi edhe Bordi i Transparencës.”
Gjatë konferencës për shtyp, ministri i Financave, Petrit Malaj, u ndal edhe te rimbursimi i tatimit përmes platformës DIVA, nga i cili kanë përfituar deri tani gati 40 mijë qytetarë. (A2 Televizion)
A2 CNN Livestream
MUND TE LEXONI GJITHASHTU
