Banka Botërore vlerëson se ekonomitë e rajonit do të përballen me ritme të moderuara rritjeje gjatë 2026-2027, të ndikuara nga pasiguritë globale, inflacioni dhe tensionet gjeopolitike, raporton A2CNN.
Sipas raportit më të fundit, rritja ekonomike e gjashtë vendeve të Ballkanit Perëndimor pritet të arrijë në 2.8% në vitin 2026 dhe të përshpejtohet lehtë në 3.2% në vitin 2027. Për Shqipërinë, parashikohet një rritje prej 3.4% në 2026 dhe 3.7% në 2027.
Drejtoresha për rajonin, Xiaoqing Yu, thekson se megjithëse janë ndërmarrë masa për të zbutur ndikimin e krizave mbi familjet dhe bizneset, e ardhmja ekonomike varet nga zgjerimi i tregut të punës dhe përfshirja e grupeve të pashfrytëzuara si të rinjtë dhe gratë.
Sipas raportit, mungesa e fuqisë punëtore dhe pjesëmarrja e ulët në tregun e punës mbeten ndër sfidat kryesore për rajonin. (A2 Televizion)
A2 CNN Livestream
MUND TE LEXONI GJITHASHTU
