Zhvillimi i bujqësisë së qëndrueshme ishte në fokus të bisedës së ministrit të Bujqësisë dhe Zhvillimit Rural, Andis Salla, gjatë takimit me misionin e Bankës Botërore, të kryesuar nga Z. Massimiliano Paolucci, Menaxher i Zyrës së Grupit të Bankës Botërore në Shqipëri.
Gjatë takimit u diskutua ecuria e bashkëpunimit aktual dhe u ndanë vizionet për thellimin e mbështetjes ndaj sektorit bujqësor shqiptar.
Në fokus të bisedës ishte projekti CRAD- “Qëndrueshmëria Klimatike dhe Zhvillimi i Bujqësisë” në Shqipëri, i cili po jep një shtysë të rëndësishme për zhvillimin e sektorit dhe integrimin e teknologjive moderne.
Ky projekt synon përmirësimin e zinxhirit ushqimor nga ferma në tavolinë, rritjen e vlerës së produkteve bujqësore, forcimin e sigurisë ushqimore dhe garantimin e sistemeve moderne të vaditjes dhe kullimit.
Palët diskutuan orientimet dhe masat që duhen ndërmarrë për avancimin e projektit, me qëllim arritjen e rezultateve konkrete dhe të qëndrueshme, në përputhje me vizionin strategjik të Ministrisë “Bujqësia 2030”, ku fermeri mbetet në qendër të politikave për zhvillimin rural të qëndrueshëm. (A2 Televizion)
A2 CNN Livestream
MUND TE LEXONI GJITHASHTU
