Ndryshimet në ligjin për Prokurimet Publike morën në parim dritën jeshile në Komisionin e Ekonomisë dhe Financave. Nga përfshirja e inteligjencës artificiale në sistemin e prokurimeve tek struktura e re e monitorimit, projektligji synon reformimin për të rritur standardin e funksionimit të mirëqeverisjes, Korrupsionit, Konkurrencës e klimës së Biznesit në Vend. Në emër të qeverisë prezantimin në Komision e bëri ministrja Elisa Spiropali.
Ndryshimet sipas deputetit socialist, Erjon Braçe nuk përfshijnë problemin e zgjatjes dhe shtyrjen në kohë të procedurave të prokurimit publik por dhe transparencën si element primar në Komisionin e Prokurimit Publik.
Ndërthurja e inteligjencës artificiale, një risi e prezantuar në 2023 nga Kryeministri Edi Rama, do të shoqërohet edhe me një tarifë e cila do të paguhet nga të gjitha bizneset ofertuese në procedurat tenderuese.
Ligji i prokurimeve Publike vjen si nevojë e përafrimit me direktivat të Bashkimit Evropian dhe rritje se eficiencës së përdorimit të fondeve. Në tetor te vitit te shkuar Komisioni i Ekonomisë rrëzoi propozimet e demokrates, Jorida Tabaku për të njëjtin ligj, ndryshime që sipas saj synonin luftën e korrupsionit dhe klientelizmin dhe përdorimit të fondeve publike. (A2 Televizion)
A2 CNN Livestream
MUND TE LEXONI GJITHASHTU
