Vitin e shkuar u importua naftë si kurrë më parë. Më shumë se 657 mijë tonë. Në raport me vitin 2023, sasia e karburantit të hyrë në vend u rrit me rreth 43 mijë tonë apo 7 për qind. Ndryshe nga më herët, importet e naftës gjatë vitit të shkuar u përqendruan te India e lagët, duke zëvendësuar kështu Italinë fqinje.
Kjo në një kohë që çmimet e karburanteve mbetën në larta. Në pikat e karburanteve nafta u shit mesatarisht për 182 lekë, benzina për 183 lekë dhe gazi 59 lekë, shkruan A2 CNN.
“Na ka ikur truri. Janë rritur çmimet. Nuk është e këndshme po... Shumë të shtrenjta në krahasim me rrogat që marrim”, thotë drejtuesit e automjeteve.
Në zgjerimin e importeve të karburanteve gjatë vitit të shkuar ndikim kanë pasur edhe turistët.
“Veçanërisht gjatë muajve të verës ka shumë lëvizje si pasojë e turistëve të ardhur nga jashtë. Ndryshe nga vitet e tjera”, u shpreh Dashnor Memaj, Shoqata e Transportit Urban dhe Interurban.
Rritja e konsumit ka ndihmuar edhe në rritjen e të ardhurave në formën e tatimeve dhe taksave që vilen ndaj hidrokarbureve.
“Edhe më vrullshëm kanë nisur ky vit në drejtim të importit të karburanteve. Vetëm në janar u importuan mbi 53 mijë tonë naftë. Në raport me të njëjtën periudhë kohore të një viti më parë, importet janë zgjeruar me gati 34 për qind.” (A2 Televizion)
A2 CNN Livestream
MUND TE LEXONI GJITHASHTU
