Policia e Shtetit ka vënë në pranga një 44-vjeçar nga Kosova, për të cilin gjykata e Gjakovës ka caktuar masën e sigurisë arrest me burg për kultivim të bimëve narkotike.
Ai u kap në Tepelenë operacionin e koduar “Operacionalja 70”. Ai ishte shpallur në kërkim pasi Gjykata Themelore e Gjakovës, Kosovë, në shkurt të këtij viti i ka caktuar masën e sigurisë "Arrest në burg", për veprën penale "Kultivimi i bimëve narkotike".
“Në vijim të operacioneve të njëpasnjëshme për kapjen e shtetasve të shpallur në kërkim ndërkombëtar, strukturat e Drejtorisë së Forcës së Posaçme Operacionale në DPPSh finalizuan operacionin e koduar “Operacionalja 70”, gjatë të cilit u kap në Tepelenë dhe u vu në pranga shtetasi: N. Sh., 44 vjeç.
Ky shtetas ishte shpallur në kërkim pasi Gjykata Themelore e Gjakovës, Kosovë, me vendimin e datës 06.02.2025, i ka caktuar masën e sigurisë "Arrest në burg", për veprën penale "Kultivimi i bimëve narkotike"”, njofton Policia.
Interpol Tirana do të kryejë procedurat për ekstradimin e këtij shtetasi, në Kosovë. (A2 Televizion)
A2 CNN Livestream
MUND TE LEXONI GJITHASHTU
