Një aksident me pasojë vdekjen ka ndodhur pasditen e së mërkurës në Bypass-in e Vlorës, sapo kalon zonën e Kaninës.
Mësohet se një automjet tip "Benz" është përplasur me pjesën shkëmbore përgjatë saj. Për pasojë mjeti është përmbysur në mes të rrugës duke i shkaktuar vdekjen e menjëhershme drejtuesit 24-vjeçar.
Ndërkohë pasagjeri ka mbetur i plagosur dhe është transportuar me urgjencë në spital.
"Reth orës 16:00, në bypassin-in e Vlorës, në afërsi të fshatit Kaninë, shtetasi I. P., rreth 24 vjeç, dyshohet se ka humbur kontrollin mbi drejtimin e automjetit tip “Benz” dhe si pasojë automjeti është përplasur me pjesën shkëmbore në anë të rrugës. Për shkak të dëmtimeve, drejtuesi i automjetit ka humbur jetën, ndërsa pasagjeri, shtetasi D. K., rreth 23 vjeç, është derguar në spital dhe ndodhet nën kujdesin e mjekëve."
Grupi hetimor ndodhet në vendngjarje dhe po kryen veprimet e mëtejshme në lidhje me sqarimin e rrethanave të aksidentit. (A2 Televizion)
A2 CNN Livestream
MUND TE LEXONI GJITHASHTU
