Një ngjarje e rëndë është shënuar në Korçë. Një grua është paraqitur në spitalin e Korçës ku ka kërkuar ndihmën e mjekëve pasi kishte djegie të shumta në trup.
Policia e Korçës ka dyshime se ka qenë bashkëshorti i saj ai e ka lyer me lëndë djegëse dhe me pas i ka vënë flakën bashkëshortes, kjo referuar edhe deklaratës së saj paraprake para tyre, raporton A2.
Burime policore bëjnë me dije se çifti ishte në proces divorci ndërkohë që blutë e Korçës janë vënë në kërkim të autorit të dyshuar pasi pas ngjarjes ai është larguar nga banesa.
Gruaja ka gradë të lartë të djegies në trup ndaj dhe për këtë pritet të niset drejt kryeqytetit për mjekim më të specializuar.
Komshinjtë që panë ngjarjen bëjnë me dije për A2 se autori i ka vendosur flakën gruas në rrugë, duke i hedhur benzinë e me pas duke i vënë zjarrin.
Ata tregojnë se çifti ishte në proces divorci ndërkohë që autori njihet si komsumues alkooli.
(A2 Televizion)
A2 CNN Livestream
MUND TE LEXONI GJITHASHTU
