Një grup kriminal që vendoste sasi tritoli është shkatërruar, ditën e sotme, e për pasojë janë zbardhur edhe 2 ngjarje kriminale. Mësohet se janë ndaluar Real Zefi, 33 vjeç, banues në Shkodër, Korrado Katana, 33 vjeç, banues në Durrës, Eno Flamuraj, 36 vjeç, banues në Korçë.
Këta persona në bashkëpunim me njëri-tjetrin kanë vendosur sasi lënde plasëse në një zyrë noteriale dhe pas ngjarjes, autorët kanë lëvizur me motomjetin e Eno Flamurajt. Më pas, motomjetin e kanë braktisur në liqenin e Farkës dhe pas kësaj janë larguar me automjetin tip “Audi”, të Korrado Katana.
Nga veprimet hetimore të kryera ka rezultuar se këta shtetas janë autorë të dyshuar të ngjarjes së ndodhur më datë 05.10.2023, në rrugën “Prokop Mima”, ku në lokalin e shtetases Sh. Gj., është vendosur një sasi lënde eksplozive.
Nga veprimet hetimore të deritanishme ka rezultuar se këta shtetas e kanë vendosur lëndën eksplozive, kundrejt pagesës. Vazhdon puna hetimore dhe gjurmuese për zbulimin dhe dokumentimin e veprimtarisë kriminale të porositësve. (A2 Televizion)
A2 CNN Livestream
MUND TE LEXONI GJITHASHTU
