Kanosën dy persona nën kërcënimin e thikës, një i arrestuar dhe një në kërkim

Nga A2 CNN
28 Dhjetor 2024, 14:13 | Kronikë

Kanosën dy persona nën kërcënimin e thikës, një i

Një 28-vjeçar është arrestuar nga policia në Shijak dhe një bashkëmoshatar i tij është shpallur në kërkim, pasi në bashkëpunim kanë kërcënuar nën tehun e thikës dy persona, të cilëve u kanë marrë edhe telefonat.

Njëri prej autorëve, i cili u shpall në kërkim rezulton se ka thyer edhe masën e sigurisë "Arrest në shtëpi". Sipas policisë ai ka braktisur automjetit dhe u largua me shpejtësi në këmbë.

“Specialistët për Hetimin e Krimit në Komisariatin e Policisë Shijak arrestuan në flagrancë shtetasin O. K., 28 vjeç, banues në Shijak, dhe shpallën  në kërkim shtetasin F. Ç., 28 vjeç, banues në Shijak, (i cili ka thyer masën e sigurisë  "Arrest në shtëpi). Nën kërcënimin e një mjeti prerës (thikë), kanë kërcënuar dy shtetasit H. K, dhe E. D, duke ju marrë telefonat, dhe më pas  janë larguar me një automjet tip “Benz”.”

Sakaq bëhet me dije se ngjarja ka ndodhur në parkingun e një lokali në fshatin Borakë, të Njësisë Administrative Xhafzotaj.

Në cilësinë e provës materiale policia sekuestroi automjetin tip “Benz”, që u përdor nga autorët e ngjarjes. (A2 Televizion)

A2 CNN Livestream

Latest Videos