Policia e kryeqytetit ka vënë në pranga një 32-vjeçar i cili mbante me vete armë zjarri të llojit pistoletë. Ai i u kap në rrugën “5 Maji”, ku gjatë kontrollit fizik Policia i gjeti armën, e cila u sekuestrua në cilësinë e provës materiale.
“Shërbimet e Komisariatit të Policisë Nr. 4, bazuar në informacionet e marra se një shtetas qarkullonte me armë zjarri, kanë organizuar dhe finalizuar operacionin policor të koduar “The Walker”, si rezultat i të cilit u arrestua shtetasi: -K. P., 32 vjeç, banues në Tiranë, i dënuar më parë për prodhim dhe shitje të narkotikëve dhe vjedhje. Gjatë kontrollit fizik të 32-vjeçarit në rrugën ‘5 Maji’, shërbimet e Policisë i gjetën 1 armë zjarri pistoletë, e cila u sekuestrua në cilësinë e provës materiale”, thuhet në njoftimin e Policisë.
Policia njofton se i riu ishte i dënuar më parë për prodhim dhe shitje të narkotikëve dhe vjedhje.
Materialet procedurale iu referuan Prokurorisë së Tiranës, për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
