
Kreu i SPAK, Altin Dumani, i është përgjigjur pyetjeve të deputetëve në seancën e kësaj të hëne në Kuvend.
Ai është shprehur ndër të tjera se SPAK ka sekuestruar të paktën 4 hotele për pastrim parash, po ashtu ka pasur goditje edhe në ndërtim, sipas tij.
“Duket qartë rritja e procedimeve penale për pastrimin e parave. Kemi nisur hetime për pastrim parash edhe në ndërtim edhe në turizëm. Mund të them se të paktën 4 hotele janë konfiskuar tashmë. Edhe në ndërtim po ashtu, disa janë në proces, disa janë konfiskuar”, tha Dumani. (A2 Televizion)
