Prokuroria ka dhënë sot pretencën në ngarkim të ish-kreut të Kadastrës së Gjirokastrës, Florian Taçi dhe dy bashkëpunëtorëve të tij të ngushtë që gjenden në qeli, Alban Memishaj dhe Julian Nakuçi.
Prokurori i çështjes, Gazmend Frëngu, në pretencën e tij dhënë para gjykatëses Nertila Përralla, kërkoi sot 6 vjet burg për ish-kreun e Kadastrës së Gjirokastres, Floruan Taçi dhe nga 4 vjet burg për dy të tjerët, shkruan A2 CNN.
Nisur nga kërkesa e të pandehurve, qysh në seancën fillestare për gjykim të shkurtuar, i bie që Florian Taçit t'i ulet 1/3 e denimit, pra të dënohet me 3.4 vjet burg, përllogaritur këtu dhe 7 muajt që ka kaluar në ‘arrest shtëpie’ gjatë kesaj periudhe.
Ndërsa Memisha dhe Nakuçi do të vuajnë nga 2.5 vjet burg, mbi ish-kreun e Kadastrës së Gjirokastrës rëndojnë akuzat e ‘falsifikimit’, ‘mashtrimit’ dhe ‘shpërdorimit të detyrës në bashkëpunim’. Mbrojtja kërkoi 10 ditë kohë. Florian Taçi u arrestua në flagrancë nga Policia e Gjirokastrës në 28 shkurt të këtij viti. (A2 Televizion)
A2 CNN Livestream
MUND TE LEXONI GJITHASHTU
