U plagosën nga shpërthimi i një bombe të vjetër në Përmet, policia jep detaje

Policia ka dhënë detaje pas plagosjes së dy personave në Përmet pas shpërthimit të një bombe të vjetër.

Sipas policisë, një 53-vjeçar dhe një 38-vjeçar "janë dëmtuar aksidentalisht nga shpërthimi i një lënde plasëse të mbetur nga periudha të mëparshme gjatë kryerjes së punimeve në murin e një banese të vjetër në fshatin Grabovë.

Njoftimi i policisë:

Rreth orës 13:00, janë dërguar për ndihmë mjekësore në Spitalin e Përmetit shtetasit E. B., 38 vjeç, dhe M. K., 53 vjeç, të dy banues në Përmet.

Nga veprimet e para hetimore dyshohet se ata janë dëmtuar aksidentalisht nga shpërthimi i një lënde plasëse të mbetur nga periudha të mëparshme (dyshohet bombë e vjetër), gjatë kryerjes së punimeve në murin e një banese të vjetër në fshatin Grabovë, Përmet.

Të dëmtuarit janë transportuar për mjekim të specializuar në Spitalin Rajonal Gjirokastër dhe ndodhen në kujdesin e mjekëve.

Grupi hetimor vijon punën për zbardhjen dhe dokumentimin e plotë të rrethanave të rastit. (A2 Televizion)