Nën masa të forta sigurie, Gjykata e Apelit të Juridiksionit të Përgjithshëm nisi shqyrtimin e ankimit të portugezit Ruben Saraiva, i akuzuar për vrasjen e Ardjan Nikulajt. Ngjarja ka ndodhur në 19 prill 2023 në lokalin e tij në Shëngjin. Gjykata e Lezhës e ka dënuar portugezin Saraiva me burgim te përjetshëm. Në sallë janë te pranishëm edhe familjarë të Nikulajt.
I pandehuri ka nënshkruar deklaratë që nuk njeh gjuhen shqipe dhe do behet përkthimi në anglisht nga përkthyesi. “Asnjë akt procedural nuk i është paraqitur te pandehurit në gjuhen që ai kupton, në anglisht apo portugalisht, që në fazën e hetimit, gjykimin në shkallë të parë, i janë cenuar të gjithë të drejtat”, tha avokati i tij, Kujtim Cakrani, përcjell A2 CNN. “Unë nuk jam njohur me asnjë dokument”, tha vetë Saraiva.
“I pandehuri duhet të jetë i njohur me ankimin, avokati duhet t’ia kishte vendosur në dispozicion në gjuhën angleze dhe portugeze që të njihet me ankimin e bërë kundër vendimit të shkallës se parë”, tha Prokuroria.
Avokati i tij, Kujtim Cakrani, tha se nuk i është lejuar të takohet me klientin e tij. “Kam bërë disa herë kërkesa drejtorisë se përgjithshme te burgjeve, por nuk kam marrë një përgjigje, sepse kam tentuar ta takoj me përkthyes”. (A2 Televizion)
A2 CNN Livestream
MUND TE LEXONI GJITHASHTU
