Policia ka reaguar me njoftim zyrtar pas vrasjes me armë zjarri të biznesmenit 43-vjeçar, Edmond Hyka (Mondi Mëhalla) në Elbasan.
Në njoftim, Policia bën të ditur se ngjarja ka ndodhur teksa biznesmeni ndodhej brenda makinës së tij, e cila ishte e parkuar, shkruan A2 CNN.
Po ashtu bëhet me dije se biznesmeni që mbeti viktimë nuk ka pasur precendentë të mëparshëm penalë. Lidhur me ngjarjen janë shoqëruar në Polici disa persona, të cilët mund të kenë informacione mbi krimin.
Njoftimi i Policisë:
Elbasan / Informacion paraprak-Rreth orës 20:35, është marrë njoftim se në lagjen “Emin Matraxhiu”, brenda në një automjet të parkuar, është gjetur, i vrarë me armë zjarri, shtetasi M. M. alias E. H., 43 vjeç.
Në vendngjarje shkuan menjëherë shërbimet e Policisë dhe janë ngritur pika kontrolli në dalje të qytetit, dhe vijojnë kontrollet në zonë e në ambiente të ndryshme, për kapjen e autorit/ëve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve. (A2 Televizion)
A2 CNN Livestream
MUND TE LEXONI GJITHASHTU
