António Costa, Presidenti i Këshillit Europian, me anë të një postimi në “X” deklaroi se “ekziston një vrull i ri në zgjerimin e Bashkimit Europian” dhe shtoi se “përpjekjet tona të mëtejshme për të përparuar drejt anëtarësimit duhet të udhëhiqen nga dy parime kryesore: qëndrueshmëria dhe besimi”, shkruan A2.
“E përfundova vizitën time në Ballkanin Perëndimor duke shtruar një darkë me gjashtë udhëheqësit e rajonit. Ekziston një vrull i ri në zgjerim. Përpjekjet tona të mëtejshme për të përparuar drejt anëtarësimit duhet të udhëhiqen nga dy parime kryesore: qëndrueshmëria dhe besimi. Konsistenca - nga BE-ja në mbajtjen e zgjerimit në krye të axhendës së saj politike. Dhe qëndrueshmëria nga partnerët në përputhje me vlerat tona dhe zbatimin e reformave. Besimi - që mund të ndërtohet vetëm përmes dialogut të hapur. Brenda vendit, midis partnerëve në rajon dhe me institucionet e BE-së dhe shtetet anëtare”, shkruan Costa në rrjetin social.
(A2 Televizion)
A2 CNN Livestream
MUND TE LEXONI GJITHASHTU
