Kryedemokrati Sali Berisha, duke folur për artikullin Vuçiç-Rama në "Frankfurte Alemaine Zeitung" tha se Edi Rama po mbyll përfundimisht dyert e BE-së për shqiptarët, po kjo gjë sipas tij nuk do mund të bëhet realitet.
“Pra Edi Rama po mbyll përfundimisht dyert e BE-së për shqiptarët, çka kam bindjen më të thellë, se kjo nuk do mund të bëhet kurrë realitet. Shqiptarët asgjë nuk do mund ti pengojë në rrugëtimin e tyre plot sakrifica dhe mundime dhe në tërësi të pandalshëm drejt integrimit të plotë në BE”, tha Berisha.
Kreu i PD tha sot se nuk përjashtohet futja në grevë urie e deputetëve demokratë, pasi prej kohësh ata kanë shprehur vendosmërinë për të kaluar në akte sublime.
“E vërteta është se deputetët prej kohësh kanë shprehur vendosmërinë që të kalojnë dhe në akte sublime, grevë urie dhe asgjë nuk përjashtohet. Por çdo hap duhet të ndërmerret në momentin e duhur. Mendoj se fjala e sovranit është çështja më kryesore në rendin e ditës. Sovrani duhet të flasë sepse kjo që po ndodh me shqiptarët është e pashembullt në histori. Kujtojmë vetëm kaq. Një njeri që për 6 muaj rresht u premtoi shqiptarëve integrimin në 2027, integrimin në 2030, tani që është kapur me presh në dorë si hajdut, u thotë se, nuk kemi nevojë për integrim të plotë”, u shpreh kryedemokrati.
(A2 Televizion)
A2 CNN Livestream
MUND TE LEXONI GJITHASHTU
