Është zhvilluar sot në Pallatin e Brigadave ceremonia e betimit te Presidenti Bajram Begaj i 7 ministrave të kabinetit qeveritar, raporton A2CNN. Ministrat vendosën dorën mbi Kushtetutë, hapi i fundit procedural që u jep dritën jeshile ministrave që të hyjnë në zyrë.
Vullneti i Edi Ramës për të ndryshuar kabinetin qeveritar nuk u vu në dyshim nga Bajram Begaj, i cili 48 orë pasi takoi kryeministrin, dekretoi ndryshimet.
Belinda Balluku dorëzoi të dyja pozicionet në Këshillin e Ministrave, ku atë të zëvendëskryeministres e merr Albana Koçiu, ndërsa Ministër për Infrastrukturën dhe Energjinë bëhet Enea Karanaçi.
Pirro Vëngu dhe Elisa Spiropali u larguan nga qeveria, ku Ministrinë e Mbrojtjes e mori Erman Nufi ndërsa Punët e Jashtme diplomati Ferit Hoxha.
Pjesë të ndryshimeve qeveritare ishin edhe rokadat e brendshme kur Besfort Lamallari i dorëzoi Toni Gogut Ministrinë e Drejtësisë për të marrë Ministrinë e Brendshme.
Ndërsa Ministrinë e Shtetit për Marrëdhëniet me Parlamentin do ta drejtojë Erjona Ismalili.
(A2 Televizion)
A2 CNN Livestream
MUND TE LEXONI GJITHASHTU
