Gazetarët Roland Qafoku dhe Bledian Koka kanë debatuar në emisionin “Off the Record” nga Andrea Danglli lidhur me opozitën.
Duke iu drejtuar Kokës, Qafoku i kërkon të pranojë se PD-ja duhet të jetë një parti më demokratike. Ndërsa gazetari Koka tha se asnjëherë s’i ka bërë gjyqin opozitës, por mazhorancës.
Sipas Kokës situata në Shqipëri është më e keqe se në Venezuelë dhe qeveria teknike është e nevojshme, ndërsa Qafoku mendon që opozita duhet të ngrejë popullin.
Pjesë nga debati
Qafoku: Opozita duhet ta ngrejë të gjithë popullin
Koka: Jo, sepse ashtu ishte edhe Venezuela
Qafoku: Çfarë lidhje kemi ne me Venezuelën?!
Koka: Jemi më keq se sa Venezuela. Si e shikoj zgjidhjen? E para qeveria teknike është “sine qua non”, është e nevojshme.
Qafoku: Nuk është fare në diskutim qeveria teknike. Si nuk thua ti që një Parti Demokratike...
Koka: Jo nuk e them dot.
Qafoku: Mund të bëj një pyetje demokratike për PD-në?
Koka: Nuk e them dot sepse edhe kur ishte PS në opozitë s’ia kam bërë gjyqin opozitës, ia kam bërë gjithmonë mazhorancës.
Qafoku: Zgjedhjet i fiton mazhoranca sepse opozita është e papërgatitur. Si nuk thua njëherë që PD duhet të jetë më demokratike?!
Koka: Ta thashë që PD nuk gëlon nga demokracia dhe as nga alternativa. Çfarë do ti të them?! Do t’i shaj me...?! (A2 Televizion)
A2 CNN Livestream
MUND TE LEXONI GJITHASHTU
