Të tjera detaje janë zbardhur nga mbledhja me dyer të mbyllura e Këshillit Kombëtar të Partisë Demokratike.
Burime për A2 CNN bëjnë me dije se Berisha ka kërkuar që fokusi i demokratëve të mbetet vetëm te organizimi i protestës së 22 dhjetorit dhe te protestat që do ta pasojnë atë.
Po ashtu propozime në mbledhje ka pasur edhe nga Edi Paloka dhe Lisandër Hoxha, ku ky i fundit kërkoi që nga PD të përjashtohej çdo eksponent që ka lidhje me miliarderin Xhorxh Soros.
Pjesë nga diskutimet në mbledhje:
Berisha: Ne do përqëndrojmë diskutimet vetëm tek kjo temë. Çdo anëtar është i ftuar të shprehë sugjerimet, mendimet, kritikat, duke mbetur parti e fjales së lirë. Sot do të fokusohemi tek organizimi i Protestës. Kjo protestë është vetëm fillimi.
Paloka: Nisma nga 17 anetarë të Këshillit Kombëtar. Propozoj meqë sot tema është protesta, të ngrihet një grup pune, ndërkohë dhe ta diskutojmë në mbledhjen më të parë.
Lisandër Hoxha: Ne besojmë që Soros është kancer për demokracinë, jo vetëm Shqipërinë, USA etj. Në mesin tonë është e papranueshme të kemi njerëz të lidhur me këtë organizatë. (A2 Televizion)
A2 CNN Livestream
MUND TE LEXONI GJITHASHTU
