Pas takimit me pensionistët, kryeministri Rama përsëriti edhe njëherë idenë e qeverisë së tij për ta bërë skemën e pensioneve me dy kolona. Përveçse skemës aktuale, Rama në Podcastin e tij sqaroi se do të jepet mundësia për të krijuar fondin individual të pensioneve.
Kombinimi mes kontributit të punonjësit dhe punëdhënësit, në fund do të bashkohet me pensionin i cili përfitohet nga shtylla e parë e skemës së pensioneve.
Edhe njëherë nënvizoi faktin se paga do të indeksohet çdo dy vite, ndërsa pritet t'i jepet një vëmendje e veçantë sektorit të shëndetësisë.
Në fund të komunikimit të tij kryeministri lajmëroi se këto ditë Shqipëria do të marrë një raport të BE, përmes instrumentit përkatës të SIGMA- dhe OECD, që ka analizuar edhe panoramën e përgjithshme të prokurimeve publike në rajonin tonë. (A2 Televizion)
A2 CNN Livestream
MUND TE LEXONI GJITHASHTU
