Kryeministri Edi Rama do të mbledhë këtë të enjte Grupin Parlamentar socialist. Mbledhja do të zhvillohet në orën 11:00 në Pallatin e Brigadave.
A2 CNN raporton se krahas fjalës së kryeministrit dhe raportimeve të secilit ministër për punën e bërë, në këtë mbledhje socialistët do të vendosin edhe për qëndrimin zyrtar që do të mbajnë për kërkesën e SPAK për heqjen e imunitetit ndaj Belinda Ballukut.
Tri ditë më parë 5 anëtarët e mazhorancës në mbledhjen me dyer të mbyllur, sipas burimeve të A2 CNN, kanë lënë të kuptohet para prokurorëve të SPAK, që masa e pezullimit deri në këtë fazë është e mjaftueshme.
Të njëjtin qëndrim mbajti edhe dy ditë më parë ish-deputeti socialist Petro Koçi, i cili tha në emisionin “Off the Record” nga Andrea Danglli në A2 CNN se beson që PS do jetë kundër kërkesës së GJJKKO lidhur me çështjen “Balluku”.
(A2 Televizion)
A2 CNN Livestream
MUND TE LEXONI GJITHASHTU
