Koalicioni 'Djathtas për Zhvillim' ka zbrazur listat e mbyllura nga kandidatët për deputetë.
Përmes një deklarate për mediat, kreu i koalicionit, Dashamir Shehi, ka zbuluar detajet, teksa ka thënë se të gjithë kandidatët e 'Djathtas për Zhvillim' nuk kanë probleme me ligjin.
Deklaratë për Shtyp:
Koalicioni “Djathtas për Zhvillim” ka përfunduar me sukses paraqitjen e listave të kandidatëve për deputet.
Gjatë kontrollit të listave, koalicioni jonë doli që nuk ka asnjë njeri të implikuar me veprimtari të paligjshme gjë që tregon korrektesën e listës sonë dhe seriozitetin me të cilin jemi angazhuar në luftën ndaj korrupsionit.
Koalicioni ka bërë dokumentacionin e nevojshëm për tërheqjen e kandidatëve për listat e mbyllura. Nga sot e tutje, nga java që vjen, qytetarët e Shqipërisë duhet ta dijnë që ne garojmë me lista të hapura.
Të ashtuquajturit familjarë për të cilët u bë kaq zhurmë nga propaganda e dy partive të mëdha, që janë me lista të mbyllura, nuk janë më.
Do t’i kërkonim opinionit publik dhe mediave që të zbulojnë familjarët dhe lidhjet me të cilët i kanë mbushur listë mbyllurit.
Koalicioni ka në listat e veta mbi 10 përqind të kandidatëve nga diaspora. Shenjë kjo që ne i kemi repektuar angazhimin e diasporës për të qenë pjesëtarë aktiv në jetën politike dhe për t’u përfaqësuar me njerëzit e vet.
Prandaj e ftojmë diasporën kudo që ndodhet, në Europë apo Amerikë e Kanada, të votojnë numrin 9 “Djathtas për Zhvillim: si alternativa më e mirë për të zgjidhur problemet e Shqipërisë por dhe të tyret njëkohësisht.
Koalicioni dhe përfaqësuesit e tij ju urojmë shqiptarëve një fundjavë të mbarë dhe Gëzuar festën e Fiter Bajramit të gjithë besimtarëve. Një ditë e gëzueshme për të gjithë shqiptarët muslimanë dhe të tjerë. (A2 Televizion)
A2 CNN Livestream
MUND TE LEXONI GJITHASHTU
