Politologu Afrim Krasniqi, i ftuar në studion e “Off the Record” nga Andrea Danglli, në A2CNN, pyeti se “si mundet një njeri me shkollë, i lexuar, një poet, një shkrimtar, një jurist i mirë s'bën dot karrierë dhe si mundet një kriminel, me një telefonatë të bëjë karrierë dhe të sigurojë edhe vendin e vet në listë?”.
Krasniqi tha: “Pyetja është: si mundet një njeri me shkollë, i lexuar, një poet, një shkrimtar, një jurist i mirë s'bën dot karrierë dhe si mundet një kriminel, me një telefonatë të bëjë karrierë dhe të sigurojë edhe vendin e vet në listë, ku cakton edhe numrin ai te lista e Durrësit se ku do jetë. Ky është problemi i madh dhe këtu meriton një hetim dhe ne këtu kurrë s'e kemi bërë këtë hetim”.
“Por, SHBA-ja çfarë interesi ka? SHBA-ja na ka futur në NATO. Nëse mbani mend kur kemi hyrë në NATO, ne kishim një vetëm një gjeneral jashtë burgu, sepse të gjithë ishin nën hetim dhe ishte proces i madh. Kështu që, ne i kemi dhe një lloj detyrimi. Ata na kanë pranuar siç jemi. Na kanë dhënë një shans, se ka shpallur pavarësinë e Kosovës George Bush nga Tirana praktikisht dhe ky është shans që jepet. Fati i madh që i kemi në anën tonë. Pyetja është a dimë ta shfrytëzojmë momentin për të ndërtuar një qasje strategjike afatgjatë tonën dhe këtu kam përshtypjen që nuk po e bëjmë. Sot për shembull mua më pëlqeu një deklaratë e kryeministrit kur e nisi që tha se Parlamenti i Shqipërisë unanimisht e përkrahu, do të thotë që ka një konsensus. Kosova ka konsensus. Ne kemi konsensus për të ndjekur fuqinë e madhe të botës, por a kemi konsensus për sfidat tona që kemi si vendës? S'kemi. As në Kosovë, as në Shqipëri. S'kemi as komunikim, as koordinim”, shtoi Krasniqi.
(A2 Televizion)
A2 CNN Livestream
MUND TE LEXONI GJITHASHTU
