Pesë persona, mes tyre dy efektivë policie dhe kryetari i Lëvizjes Shqipëria Bëhet, Adriatik Lapaj, kanë mbetur të lënduar pas përplasjes mes protestuesve dhe forcave të rendit një natë më parë te Kryeministria.
Spitali Universitar i Traumës njoftoi se mbrëmjen e djeshme janë paraqitur 5 persona, dy prej të cilëve efektivë të Policisë së Shtetit. Njëri prej tyre ka lënë Spitalin ndërsa tjetri vijon i hospitalizuar nën kujdesin e mjekëve. “Z. Adriatik Lapaj pas ekzaminimeve të kryera ndodhet jashtë rrezikut për jetën por po vijon të jetë në spital në kujdesin e ekipit mjekësor. Gjithashtu, për ndihmë mjekësore në spital janë paraqitur edhe dy protestues të cilët gjithashtu ndodhen jashtë rrezikut për jetën dhe kanë lënë ambientet e spitalit pasi kanë marrë ndihmën mjekësore”, njoftoi spitali, përcjell A2.
Përplasja erdhi pasi policia nisi të hiqte tendën e vendosur nga aktivistët e Shqipëria Bëhet pas protestës së zhilluar gjatë ditës.
Autoritetet nuk kanë bërë ende të ditur arsyet zyrtare të ndërhyrjes në orët e mesnatës, as nëse ka persona të tjerë të shoqëruar apo të lënduar gjatë tensioneve.
Aktivistët janë shprehur që protestat para Kryeministrisë do të vijojnë gjatë ditëve në vazhdim ku i kanë kërkuar qytetarëve që t'i bashkohen. (A2 Televizion)
A2 CNN Livestream
MUND TE LEXONI GJITHASHTU
