Deputeti i Partisë Demokratike, Xhelal Mziu, i ftuar në studion e “Terminal” nga Aurora Sulçe, në A2CNN, deklaroi se protesta e djeshme kombëtare e PD-së ishte “për t’u marrë shembull”.
Gjithashtu, ai theksoi se qeveria u shqetësua dukshëm nga kjo protestë.
“Ishte një protestë për t'u marrë shembull, ishte një protestë reaguese. Ishte disproporcionale me sjelljen kriminale të policisë dhe e gjithë regjia ishte bërë për ta prishur protestën. Nuk ka ndodhur në asnjë vend të botës që, kur lideri i opozitës, akoma pa mbaruar fjalën, të hidhet ujë me piper apo gaz lotsjellës”, tha Mziu.
“Madje, siç e keni parë në protestën e parafundit, kishte dhe gaz lotsjellës të skaduar. Nuk e di se si ishte ky i fundit se nuk pata mundësi për t'i parë. Pra, është është një qeveri që shqetësohet kur ka protestë opozita, shqetësohet kur reagojnë qytetarë shqiptarë”, shtoi Mziu. (A2 Televizion)
A2 CNN Livestream
MUND TE LEXONI GJITHASHTU
