Gazetari Reldar Dedaj, i ftuar në studion e “Off the Record” nga Andrea Danglli, në A2CNN, theksoi se Partia Demokratike duhet të ndryshojë urgjentisht disa pozicione në kupolën e saj drejtuese.
"Që kur kam qenë unë anëtar i Këshillit Kombëtar, dhe tani që nuk jam, është e njëjta fotografi aty. Nuk ka lëvizur. Janë të njëjtët, vetëm kanë ndryshuar dy kryetarët", tha Dedaj.
“Partia Demokratike e ka urgjente të ndryshojë disa pozicione sepse politika është perceptim. Ata mund të jenë shumë të ndershëm e shumë të zotë, por perceptimi publik nuk i pranon disa njerëz. Nuk mund të fshihen pas hijes së Sali Berishës”, tha Dedaj.
“Po flas për të gjithë kupolën drejtuese të PD-së. Unë mendova se sot Sali Berisha do të kërkonte dorëheqjen e strukturës drejtuese të Partisë Demokratike. Nuk po na e godet Sorosi linjën e djathtë, por po e godasin deputetët pa linjë orientimi. Dikush duhet të mbajë përgjegjësi dhe akti i parë i përgjegjësisë është dorëheqja. Perceptimi i demokratëve është se duhet ndryshim”, shtoi gazetari Dedaj.
Sipas tij, “duhet ndërtuar një forcë politike që ka besueshmëri dhe integritet”. (A2 Televizion)
A2 CNN Livestream
MUND TE LEXONI GJITHASHTU
