Pak kohë pasi Thesari i Shteteve të Bashkuara vendosi sanksione ndaj anëtarëve të familjes shqiptare Hysa në Meksikë, duke e akuzuar atë se e ka përdorur perandorinë e kazinove dhe restoranteve si mbulesë për pastrimin e parave të kartelit meksikan, Sinaloa, kreu demokrat Sali Berisha ka akuzuar qeverinë për lidhje me kartelet e drogës, duke përmendur takime dhe dhënie licencash si dëshmi të bashkëpunimit me organizatat kriminale.
Në një bisedë me ndjekësit në Facebook, Berisha thekson se mesazhet e urimit nga presidenti Donald Trump dhe Sekretari i Shtetit Marco Rubio përbëjnë një inkurajim për Shqipërinë në luftën kundër drogës dhe krimit.
“Lidhjet e Edi Ramës me kartelet e drogës, tashmë janë të padiskutueshme. Ata të cilët presidenti Trump i ka cilësuar si organizata terroriste si Sinaloa e Meksikës, kanë qenë të pranishëm në takime me Edi Ramën, kanë përfituar licenca kazinosh dhe hotelesh.
Përveç kësaj, çarteri nga Tiranë në Aruba me qeveritarë, ku mundet dhe vetë Edi Rama, por nuk i kam të dhëna të sakta, për tu takuar me bosët e karteleve të drogës në Aruba janë dëshmitë më flagrante të bashkëpunimit direkt të Edi Ramës me kartelet e drogës.
Unë dua të ju them ju, se Ergys Agasi është bërë famoz në mbarë botën dhe në këtë kontekst, mendoj se mesazhi i urimit të sekretarit Rubio dhe të presidenti Trump, prek apo trajton problemin më themelor që kemi sot ne si komb apo si vend, drogën, krimin dhe luftën kundër tyre.
Kjo përbën një inkurajim në përpjekjen tonë të madhe për të shpëtuar shqiptarët nga ky regjim i bazuar në drogën dhe krimin”. (A2 Televizion)
A2 CNN Livestream
MUND TE LEXONI GJITHASHTU
