Kryeministri Edi Rama ka zhvilluar sot një takim me kryebashkiakët e Partisë Socialiste, ku u diskutuan një sërë çështjesh të rëndësishme për zhvillimin dhe menaxhimin e bashkive, raporton A2CNN.
Gjatë takimit u diskutua menaxhimi i parkimeve në qytete dhe nevoja për përmirësimin e ndërtesave të vjetra të privatizuara, që kanë degraduar me kalimin e kohës.
U theksua gjithashtu rëndësia që shtëpitë dhe objektet me vlerë historike dhe kulturore në qytete të kthehen në muze për të ruajtur trashëgiminë kulturore.
Kryeministri Rama theksoi nevojën për përforcimin e shërbimeve të zjarrfikësve për bashkitë dhe rritjen e sektorit të emergjencave në nivel lokal, si dhe zbatimin e paketës së maleve për menaxhimin e zonave malore.
Një tjetër temë e rëndësishme e diskutuar ishte roli i bashkive si sipërmarrëse, jo vetëm përmes aktiviteteve të tyre, por edhe në partneritet me sektorin privat, për të rritur efikasitetin dhe përfitimet për qytetarët.
(A2 Televizion)
A2 CNN Livestream
MUND TE LEXONI GJITHASHTU
