Politologu Ermal Hasimja, në një lidhje direkte me studion e “Terminal” nga Aurora Sulçe, në A2CNN, u shpreh se pas dy javësh do të ketë një zhvillim të rëndësishëm në lidhje me opozitën.
“Partia që ka qenë më e gatshme ndaj bashkëpunimit të opozitës ka qenë Partia Demokratike. Unë kur e nisa procesin e dialogut, prisja rezistencë më të madhe nga PD-ja, por shikoj që ka patur qëndrim konstruktiv dhe lëshime të rëndësishme. Po përgatisim tryezën e dytë, me të cilën mendoj që do dalim me një produkt konkret”, tha Hasimja.
Sipas tij, “do të ketë pjesëmarrje më të gjerë” dhe shtoi se “presim që të ketë të njëjtin nivel gatishmërie edhe nga partitë e vogla”.
“Brenda dy javëve të ardhshme do të kemi një produkt besoj, do të kemi diçka të rëndësishme për të treguar. Nuk është vetëm mbledhje matematikore votash të secilës parti, por për t’i treguar njerëzve që opozita mund të bashkëpunojë dhe përmes tij të mund të nxjerrim në kutitë e votimit një pjesë të madhe të shqiptarëve që nuk votojnë sepse mendojnë që nuk ia vlen kur opozita është kaq e përçarë”, shtoi Hasimja. (A2 Televizion)
A2 CNN Livestream
MUND TE LEXONI GJITHASHTU
