Ilir Meta kishte zgjedhur një kravatë të kuqe për daljen e tij të parë publike, 18 muaj pas izolimit në qelitë e paraburgimit “313” në kryeqytet. Sapo u shfaq në sallën e gjyqit, me një portret dukshëm të parrahur mjaftueshëm nga dielli dhe me më shumë rrudha, përshëndeti mbështetësit me dy gishta. Më tej me duar në zemër e në fund duke bërë simbolin e shqiponjës, transmeton A2 CNN.
Kamerat televizive u lejuan në sallë vetëm në minutat e para të seancës, që ishte e para në themel për këtë gjykim. Po as kamerat në nisje dhe as sytë e të pranishmëve në sallë deri në fund të seancës nuk dëshmuan ndonjë përshëndetje, apo shkëmbim vështrimesh mes Ilir Metës dhe ish-bashkëshortes së tij, Monika Kryemadhi.
Ende pa hyrë trupa gjykuese, në sallën ku ftoi diplomatët e huaj, por i kishin ardhur vetëm bashkëudhëtarë politikë e mbështetës, Meta e cilësoi procesin si të turpshëm, shkruan A2 CNN.
“Gënjeshtra me kallëzues të rremë”.
Të parën kërkesë që bëri avokati i Metës, ishte nxjerrja e tij ka kafazi. Refuzimi i kërkesë ngjalli një reagim të ashpër në sallën e gjyqit, që vijoi edhe jashtë saj.
Ndërsa e pandehura Monika Kryemadhi tha se SPAK nuk i kishte vënë në dispozicion akt-ekspertimin e telefonit të saj, akte që prokurori Sotir Kllapi e ftoi të shkonte t’i merrte.
Seanca e së hënës u ndërpre dhe u shty për më 11 maj, për shkak se avokatja e të pandehurës Fatime Kryemadhi, joprezente në gjyq, nuk i kishte dhënë tagra avokates për të kërkuar gjykim të shkurtuar. Deri në seancën e radhës, Metës ju pezullua edhe afati i paraburgimit, përcjell A2 CNN.
Në këtë proces Ilir Meta dhe Monika Kryemadhi akuzohen për “korrupsion”, “pastrim të parave” dhe “fshehje dhe mosdeklarim të pasurisë”. (A2 Televizion)
A2 CNN Livestream
MUND TE LEXONI GJITHASHTU
