Kryeministri Edi Rama, në ceremoninë zyrtare të prezantimit të fazës së dytë të projektit “EU4Municipalities”, programi strategjik për forcimin e pushtetit vendor dhe mbështetjen e rrugës së Shqipërisë drejt Bashkimit Europian, deklaroi se ky projekt “përbën investim strategjik të BE për të nxitur rritjen e kapaciteteve të bashkive në horizontin e anëtarësimit të Shqipërisë”.
“Nuk mishëron thjesht mbështetje financiare, por përbën investim strategjik të BE për të nxitur rritjen e kapaciteteve të bashkive në horizontin e anëtarësimit të Shqipërisë. Bashkitë janë problemi ynë më i mprehtë i kësaj kohe, nëse nuk fokusohemi sot tek adresimi”, tha Rama, shkruan A2.
“BE dhe anëtarësimi në familjen europiane janë bekim për Shqipërinë dhe sfidë në nivelin vendor, pasi konsolidimi i nivelit të qeverisjes vendore është pjesë e pandarë dhe e patjetërsueshme e mënyrës së funksionimit dhe mirëfunksionimin e marrëdhënieve mes BE dhe një vendi anëtar”, shtoi kryeministri.
(A2 Televizion)
A2 CNN Livestream
MUND TE LEXONI GJITHASHTU
